مزرعة الغضب
كلمك و عرفتي أنه مستنيا سوا
هزت راسها بالموفقة وخرجت أمامه جاءت ريح قوية اطارت شعرها للوراء فلامس وجه دون قصد
شعر بارتعاشه في جسده لا يعلم مصدرها تجاهل هذا الشعور وركب سيارته وركبت بجواره وهي لم تتحدث بأي كلمة
طول الطريق التزموا الصمت ولكن عين عاصي كانت تختلس النظر لها ولاحظ ارتباكها وصلا إلى مكتب المحامي الذي قابلهم باستسامته المعتاده وقال بهدوء
تمام اتقضلوا اقعدوا واظن كل واحد فيكم هدا ونقدر نتكلم
قال عاصي بجدية تامة
ياريت تقصر في الكلام علشان انا معنديش وقت اضيعة في كلام ملهوش لازمة انا ميهمنيش الحاج رضوان مديون أو مش مديون انا كل اللي يهمني أنه باع المزرعة وانا اشتريت ووجود شرط ملهوش أي لازمة علشان استلم مزرعتي وانا جيت علشان اشوف حل الشرط المهبب ده
تجاهلت روز كلامه و اتجهت ببصرها نحو المحامي وقالت
تمام كده بابا معلهوش ديون طيب عندي سؤالين ومحتاجة منك اجابه
ليه باع المزرعة ده اول سؤال
السؤال التاني طلما معلهوش ديون فين الفلوس ليه طلما عندي الفلوس دي كلها اقعد في اوضة الخدم
قال المحامي بهدوء
تمام كلامك جميل اجباته كلها عندي
اولا يا آنسة روز ابوكي باع المزرعة بعد ما عرف أنه مريض کانسر في مرحلة متأخرة و هو عارف ان اولاد عمامة طمعانين فيه من زمان عنيهم كانت علي المزرعة من بعد ما جدك اټوفي وهما هيموتوا عليها بس جدك كتبها باسم والدك وهو كان قدهم وقدر يقف ليهم لكن والدك خاف عليكي منهم علشان كده بعها علشان كان متاكد انهم هايخدوها منك
قطع كلامه صوت عاصي هو يقول پحده
طيب وهو خاف عليها من اعمامها و باع المزرعة ايه لازمة الشرط المهبب ده اللي حطة ده جزاتي أن عاوز اعمل خير يبليني بجوازه زي دي
التفتت له روز و قالت پغضب
يبليك انت عارف بتقول ايه انا بلوي انت اصلا تطول تتجوز من الدكتورة روز عمتا انا اللي ميشرفنيش أن اسمي يرتبط باسمك
ضحك المحامي باستفزاز وقال
اهداوا انتم الاتنين انا جي في الكلام
من سنه جه ابن عم الحاج رضوان الكبير وكان مصمم يجوز روز لابنه الكبير علشان المزرعة ولما الحاج رضوان رفض ابن عمه اتعصب وحلف لايا خد المزرعة بعد مۏت ابن عمه وهو صمم يجوزك روز علشان عارف انك انت اللي هتحميا لأنهم كانوا هيجوزوها ڠصب عنها
قال عاصي وهو ينظر لها يتوعد
واشمعنا انا اللي باع ليا المزرعة رغم أنه عارف اللي حصل زمان وعارف قد ايه أن انا بكره عائلتهم كلها
رفع فؤاد حاجبية
استاذ عاصي الحاج رضوان كان عارف هو بيعمل ايه كويس وعارف انت بتكون مين ومتأكد انك اكتر حد ممكن يحمي روز
قطعت روز كلامه وقالت پغضب
بابا فاكرني بنت صغيرة مش هعرف احمي نفسي جايبلي بودي جارد ما علينا انا عاوزة الفلوس الي تباعت بيها المزرعة خليني امشي من هنا خالص واظن ده كان رايك من الاول يا استاذ فؤاد
قال فؤاد بتهكم
انا بس كنت بشوف قوتك ورغبتك في تمسكك بالمكان عاوزة تفضلي هنا ولا هتستفري لكن للاسف يا روز انتي معندكيش رفاهية الاختيار والدك حسم الأمر
قامت روز من مكانها وقالت مستفهمة
اللي هو ازاي يعني ازاي معنديش رفاهية الاختيار
قال فؤاد
من غير عصبية الحاج رضوان حطلك الفلوس وديعة في البنك متقدريش تصريفها قبل سنة وبعقد جوازك من عاصي
هبدت
روز بعصبية علي المكتب حتي انجرحت يدها وقالت
استحاله بابا يعمل فيا كده انا مش عاوزة اتجوز الكائن ده هيطلع كل عقده فيا انا عاوزة فلوسي
قال فؤاد موجه كلامة لكلاهما
انتم دلوقتي ما قدمكوش حل غير الجواز انتي علشان تقدري تاخدي فلوسك وانت علشان تنقل مليكة المزرعة القرار معاكم وانا مستني
نظر كل منها للاخر قال عاصي للمحامي وهو يستعد للذهاب
تمام امشي في إجراءات الزواج وحدد اليوم وبلغني انا عن نفسي معنديش مانع ووجه نظرة ليها وقال
اهلا بيكي في چحيم العاصي
ابتلعت روز ريقها بصوت مسموع وقالت وقد بدأ الخۏف يمتلكها
لاء اللي هو ازاي انا مش عاوزة اتجوز انتم بتهزروا مش هتجوز لو انطبقت السما علي الارض
قال المحامي وكأنه لم يستمع لكلام روز
تمام استاذ عاصي يومين كده واكون جهزت كل حاجة وان شاء الله هسلمك مع القسيمة عقد نقل مليكة المزرعة
ذهبت روز بصحبة عاصي الي المزرعة وكأنها تمثال بدون روح ولكنها اڼصدمت فور وصولها المزرعة و نظرت لعاصي بتعجبت
لقد وجدت حشد كبير من رجال يرتدون زي الصعيد يقفون أمام بوابة المزرعة ارتجفت روز وشعر عاصي بقوة ارتجافها
الټفت لها وقال
شكل الحړب بدأت متنزليش من العربية لحد منشوف عاوزين اية
نزل من السيارة و علي وجه علامات الڠضب وقال بأسلوب تحذير
اهلا وسهلا خير في اي خدمة أقدر أقدمها لكم
قال كبيرهم
وه وتطلع مين انت عاد
قال عاصي بهدوء مصتنع
انا اللي بسال حضرتك السؤال ده حضرتك تطلع مين
اجاب پحده
انا صاحب المزرعة دي كلها
نزلت روز من السيارة فور سمعها كلامة وقالت پغضب
مزرعة مين اللي انت صاحبها وتطلع مين انت من اصله
قال الرجل الصعيدي
وه وه شكلك انتي بنت رضوان ولد اخوي صوح
اه انا روز انت بقا مين
انا حمدان ود عم ابوكي لازم و حماكي كمان انتي بقا عروسة ولدي شعبان وأشار اتجاه شعبان الذي بدورة فرو وقعة علي روز وهو فاتح فاه
جذب عاصي روز من يدها ورجعها للخلف ووقف في مقدمه وقال
ايه موضوع أن المزرعة بتاعك افهم بس
قال حمدان
رضوان ولد عمي مخلفش اولاد خلفته بنات وهي حته بنت واحده وانا هجوزها لولدي بيقي خلاص دي مزرعتي عاد البنات حدانه ملهاش ورث من اصله
ضحك عاصي وقال
وهو الحاج رضوان مبلغكش أنه باع المزرعة قبل ما ېموت بشهر علشان يسدد ديونه
قال حمدان بزعر
كيف منا مش فاهم كيف رضوان يبيع المزرعة وباعها لمين
وانت تطلع مين وبنت واد عمي بتعمل في عربيتك ايه في وقت متأخر أكده
الفصل السابع
قال عاصي متجاهلا كلامه
الحاج رضوان بعها ليا بس لو حضرتك عاوزها تمام معنديش مشكلة سدد
ديون الحاج رضوان وخد المزرعة معنديش أي مانع
رفع حمدان حاجبه وقال
وتطلع كام ديون ود عمي واصلا من امتى وهو عليه ديون انا اعرف انه كان ميسور الحال والمزرعة دي ورثها من أبوه وأجداده ازي يبعها لاء الحكايه فيها إنه ونصبايه انا مش متحرك من هنا غير لما اشوف عقود البيع انا اصلا مش مصدق ان رضوان يكون عليه ديون من اصله اكيد دي لعبه
قالت روز پغضب
تعرف ايه انت عن أبويا تعرف أنه جاله سړطان تعرف علاجه كان بيتكلف كام في الشهر بابا أجبر علي بيع المزرعة علشان يسدد ديون العلاج
مش من حقك تشوف أي عقود كنتم فين انتم من زمان ولا افتكرت أن ليك قرايب بعد أبويا ما ماټ علشان الورث انت حيله ابن عم أبويا
قال حمدان پغضب
لا يا بنت الغالي انا مش مسافر الصعيد غير لما اشوف عقود البيع بنفسي وكلامك ده كله ملهوش عازة
قال عاصي بفراغ صبر
العقود عند المحامي هنجبهالك منين دولوقتي
لاء منا مش مستعجل كده كده انا هنا بحضر لفرح ولدي شعبان علي بنت الغالي
قالت روز وقد تملك الڠضب أقصاه
فرح مين علي مين
قال حمدان
فرحك علي ولدي شعبان زينة شباب الصعيد
اقترب منها عاصي وقال بصوت منخفض
يا تعيشي في چحيم العاصي يا عندي استعداد أخلع وأسحبك
قالت وهي تجز على أسنانها بغيظ
لاء وعلي ايه جواز بجواز بلاها زينة الشباب خلينا في چحيم العاصي هي مۏتا ولا اكتر
قال عاصي وهو يكتم الضحك
اهلا بيكي في چحيمك
ثم الټفت لي حمدان وقال
للاسف يا عمده حتى دي ماتنفعش علشان انا كتبت كتابتي علي روز قبل ۏفاة والدها وفرحنا كمان يومين وطبعا حضرتك أول المعزومين علي الفرح أنت بردو في مقام والدها مش العم والد برضوا وسحب
روز من يدها وتركهم ورحل
دخل عاصي مع روز من باب الفيلا جذبت روز يدها من عاصي وقالت
انت ازي تسمح لنفسك تقولهم ان احنا كتبنا الكتاب
نظر لها عاصي وقال
خيرا تعمل أنا غلطان كنت سبتك ليهم وكنتي اتجوزتي العريس اللي شكله بيتعامل معامله الأطفال ده انا غلطان انا هطلع أنادي ابن عم أبوكي وأسلمك ليه
قالت روز وهي تنظر له بتحدي
عادي خالص وإيه المشكلة ما أنا كمان لو اتجوزت الكائن ده انت مش هتاخد المزرعة عادي خالص اوعا تكون فاكر نفسك بتعمل فيا جميلة ولا حاجة مصلحتك معايا زي ما مصلحتي معاك
رفع عاصي أكتافه وقال
حلو اوي كده تمام كويس اننا احنا الاتنين متفقين أن جوزنا من بعض مصلحة وأننا لازم نتجوز علشان نخلص من بعض خلصنا من بعض هو الجواز وانا عاوز اخلص منك في أقرب فرصة ممكنه
اكيد انت بتحلم علشان الوصيه متحدد فيها المده انا مش هقدر افك الوديعة قبل سنتين
والله دي مشكلتك أنتي انا مشكلتي تتحل مع كتب الكتاب المحامي قالي
كل ذلك ولم ينتبهوا أن الجميع يجلس ويستمع لحوارهم فاقوا علي صوت والدت عاصي وهي تصيح بصوت مسموع
باااااس هو مين اللي هيتجوز مين حد فيكم يفهمني اللي بيحصل هنا
انتبه عاصي وإدار وجه اتجاه والدته وقال
خير يا أمي في ايه صوتك عالي ليه
قالت الأم پغضب
صوتي بردو انا اللي عالي ولا حضرتكم اللي مش عاملين حساب لحد كبير هنا انا عاوزة اعرف ايه اللي بيحصل
ولا حاجة خالص انا فرحي بعد بكرة وده قرار
اللي هو ازاي يا عاصي انت ازاي تنزل نفسك للمستوي ده
انت عاصي أكبر مستثمر في مصر وبتعرف ناس كتير من الطبقة الراقية هتجوز فلاحة شغالة في مزرعة طيب هتقدمها للناس ازاي هتقولهم مين دي
تملك روز الڠضب أقصاه وقالت وهي تحاول أن تتحكم في أعصابها
حضرتك الفلاحة اللي مش عاجباكي بتكون دكتورة و بتحضر كمان دارسات عليا في نوع نادر من الأوبئة الخاصة بالحيوانات غير أن انا مش دايبة في ابن ساعتك لكن الظروف حكمت علينا احنا الاتنين بالجواز دي فا حضرتك مجبرة تتقبلي الوضع زي ما احنا كمان مجبرين تتقبله و مجبرة كمان تحترميني الفترة اللي هكون فيها مرات ابنك علي ورق علشان الحياة تمشي
قامت الأم من مكانها وقالت بتعجب
يا سلام انا محدش يجبرني علي حاجة انا مش عاوزها انا مش مجبرة اعاملك كويس انا اعملك بالطريقة اللي تعجبني
تمام قوي حضرتك انا كمان زي ما هتعمليني هاعملك وتأكدي أن الشعور هيكون متبادل
اقترب منها عاصي وضغط علي يدها بشده وقال پغضب
لاء عندك أمي تتعاملي معاها باحترام اياكي اسمع انك كلمتيها بأسلوب مش كويس
نفرت يده وقالت پغضب
واللهي الكلام ده تقوله لوالدتك مش ليا طول ما هي بتحترمني احترامي وتقديري ليها واجب عليا غير كده انت مش بسكت لأي حد يدوس لي على طرف انا مش أقل من أي حد هنا وكرمتي فوق أي شيء
قالت هبه بعجرفة
يع يا عاصي انت بتكلم جد انت هتجوز من الشخصية دي لاء طبعا انا اكيد بحلم تسبني انا علشان الشيء ده دي فلاحة لا بتعرف تلبس ولا بتعرف تتكلم
قالت روز وكأنها تراها لأول مرة
مين السكر دي ها ثم اقتربت منها وقالت وهي تجز على أسنانها
بقولك ايه يا ملزقة
انتي تحطي لسانك في بوقك وخالي الأيام الهباب دي تعدي علي خير علشان انا شياطين الإنس والجن بيرقصوا قدامي فاتلمي وخلي اليوم ده يعدي علي خير
ثم تركته وفتحت الباب لتخرج ولكنها اتفجاءت بوجود حمدان أمام الباب تقهقرت للخلف ونظرت لعاصي
الذي اقترب منها ووجه كلامه لحمدان وقال
خير يا عمده انت لسة مروحتش قلتلك الفرح كمان يومين
لع مروحتش أصل بصراحة حدوته الجواز وبيع المزرعة دي مش لده عليا انا عاوز اشوف القسيمة دلوق يا أما بنت ود عمي تيجي معايا علي الصعيد حالا بلا مسخرة وقلت حيا عاد
بدات علامات الڠضب على وجه عاصي واحمر وجه
بقولك مراتي هي مين اللي تروح معاك الصعيد
وانا بقولك من حقي اشوف قسيمة الجواز
خرجت والدة عاصي على صوت حمدان وقفت بحدة وقالت
خير يا عمده صوت عالي هنا ليه
نظر لها حمدان وقال وهو يدقق النظر
خير يا حاجة بس أكيد حضرتك بتفهمي في الأصول ينفع بنته تقعد لحالها أهنه انا بس رايد أطمن عليها
ومين قال إنها لوحدها هي في بيت جوزها
بس لسة الفرح متعملش عاد ينفع كيف
متهيقلي انك عارف أن الحاج رضوان لسة مټوفي من وقت قريب فا احنا مش هينفع نعمل فرح كبير كل اللي هنعملوا حفلة صغيرة هنا في الفيلا علشان الإشهار بس وياريت حضرتك تبقي تتفضل لكن دلوقتي الوقت اتأخر اتفضل حضرتك واشوفك بعد يومين في الفرح ثم أغلقت الباب في وجه
الفصل الثامن
والټفت إلى روز وقالت
انتي مش هينفع تخرجي من باب الفيلا النهاردة اتفضلي نامي مع رنا الليلة دي
قالت روز معترضة
لأ مش هينفع أنا هصبر لحد ما يمشي وأروح أبقى في الأوضة بتاعتي
قال عاصي
هو مش هيمشي هو أصلا شاكك في كل كلامنا مش هيمشي غير لما يتأكد إن المزرعة فعلا انباعت ياريت تروحي انتي تامي وأنا هكلم
المحامي يسرع الإجراءات وبحضر لكتب الكتاب بكره بلاش كلام كتير واتفضلي مع رنا
قطعت رنا كلامهم بمرحها المعتاد وقالت
ياه أنا فرحانة قوي إنك هتباتي معايا يا روز طول عمري كان نفسي يكون ليا أخت ونفضل نحكي لحد الصبح
ابتسمت لها روز ابتسامة باهتة فهي تشعر بالغربة في بيتها وكأنها لم تكن تعيش سنوات عمرها كلها
دخلت روز بصحبة رنا الغرفة نظرت روز حولها كل شيء كما تركته
قالت رنا وكأنها قرأت عيون روز ولاحظت الدموع العالقة في عينيها
هي دي كانت أوضتك صح توقعت كده من كتر ما هي جميلة
هزت روز رأسها وسقطت الدموع رغما عنها وقالت
آه يا رنا وكنت بحبها أوي وانا اللي ملونها الحيطان بنفسي ومختارة الديكور وكل حاجة فيها بس تعرفي انتي كمان هتحبيها زي ما أنا حبتها أنا حاسة إن زوقنا واحد تقريبا
ضحكت رنا وقالت
أنا كمان حاسة إننا هنكون أصدقاء مقربين
لا قولي أخوات بس أنا ممكن أسأل سؤال من غير ما أجرحك
انتي قولتي إننا بقينا أخوات فمن حقك أي سؤال طبعا
هو انتي يعني ما فكرتيش تتعالجي يمكن ربنا يسر الحال وتقومي من على الكرسي ده
ضحكت رنا وقالت بصوت مهموم
بصراحة أنا اتعودت عليه وبقينا جزء من بعض عاصي حاول معايا كتير بس أنا اللي رافضة العلاج
ليه يا رنا حاولي ساعدي نفسك
خاېفة يا روز خاېفة من خيبة الأمل خاېفة أدي نفسي أمل إني هقدر أمشي تاني وميحصلش فبحاول أقنع نفسي إن خلاص دي حياتي وده مستقبلي اللي جاي
لأ انتي غلطانة يا رنا طول ما فينا نفس في أمل ولو حتى ضعيف أوعي تيأسي من رحمة ربنا
ونعمة بالله تعرفي يا روز إن الدكاترة قالوا إن مرضي ده نفسي مش عضوي
ابتسمت روز وقالت
بجد دي حاجة حلوة قوي وانا وعد مني مش هسيبك غير لما تكوني بتجري مش بتمشي ويلا ننام علشان فصلت اليوم كان طويل قوي وبكره لسه عندي لقاح لكل الحيوانات
واعلمي حسابك انتي هتكوني المساعدة بتاعتي يعني من بكرة نازلة معايا الشغل
رنا بفرح وهي غير مصدقة
بجد يا روز بتكلمي جد يعني انا هعمل حاجة غير قاعدة الكرسي دي
آه طبعا واعملي حسابك أنا في شغل معنديش محسوبيات الشغل شغل مافيش تعب يلا نامي بقا
كل ذلك وعاصي يقف في بلكونة غرفته يستمع لحديثهم ويبتسم على الروح التي أعطتها روز لرنا وكأنها أهدت الحياة لها من جديد
لم تستطع روز النوم من كثرة التفكير ظلت مستيقظة تفكر فيما تخفي لها الأيام شعرت بالجوع الشديد تذكرت أنها لما تأكل طوال النهار خرجت من غرفتها متناسية أنه لم يعد منزلها ونزلت للمطبخ لتجد شيء تتناوله فتحت الثلاجة لتبحث عن أي طعام وكان عاصي يراقبها من بعيد وهو يبتسم على عفويتها وطريقتها وكأنها طفلة صغيرة ولكنه وقف عندما لمح هبة تدخل المطبخ هي الأخرى
اصطدمت هبة بروز وقالت لها بعجرفة
انتي إيه اللي منزلك هنا متهيقلي الضيافة ليها حدود حضرتك ضيفة يبقى تلتزمي بأصول الضيافة ما تمشيش كده على كيفك وتفتحي وتقفلي في التلاجات لو احتاجتي حاجة اصبري لما أصحاب البيت يكونوا موجودين يجبولك اللي محتاجاه لكن تخشي تفتحي كده أظن عيب ولا أهلك معرفوش يعلموكي أصول الضيافة تكون إزاي
أغمضت روز عينيها بشدة وتذكرت أنه ما زال بيتها وأنها فعلا هنا ضيفة
فتحت عينيها وحبست دموعها وقالت معتذرة
آسفة أنا بس كنت عاوزة أشرب بعتذر
وتركتها وغادرت الفيلا بأكملها وهي تجري بأسرع ما لديها على غرفتها في آخر حديقة الفيلا ولم تنتبه أن الجو بارد جدا والمطر شديد في الخارج ظلت تجري حتى وصلت غرفتها ودخلت واڼهارت في البكاء
دخل عاصي المطبخ ينظر لهبة باحتقار ثم قال لها
انتي أيه منزلك المطبخ يا هبة أظن انتي هنا ضيفة ياريت متتعديش حدود الضيافة
قالت له هبة بمسكنة
أنا برضو ضيفة يا عاصي أنا هوبا حبيبتك وخالتك قالتلي إن أنا هكون ست البيت هنا بعد ما أنا وانت نتجوز
يابت انتي هبله أنا فرحي بعد بكرة على روز فوقي بقا
آه من عارفة إنه جواز على ورق بس لحد يعني ما تاخد المزرعة عشان الشرط اللي حطه أبوها يعني جواز كده وكده
ضحك عاصي وتركها وخرج يبحث عن روز وصل على باب غرفتها وسمع صوت بكائها من خلف الباب وشعر وكأن قلبه ېتمزق عليها استغرب من الشعور الذي تملكه حاول طرد هذا الشعور ولكنه لم يستطع السيطرة على شعوره لقد دق قلبه لأول مرة طرق الباب بدون أن يفكر
فتحت روز وهي تمسح دموعها بظهر يدها ووقفت أمامه وقالت مستفهمة
خير يا بشمهندس
ارتبك عاصي أمامها وقال
هو مش المفروض يا دكتورة إنك دلوقتي نايمة مع رنا إيه اللي جابك هنا
متهيقلي يا بشمهندس أنا حرة أكون في المكان اللي أنا عاوزه
هرش عاصي رأسه وقال
هو من جهتك انتي حرة فإنتي لحد دلوقتي حرة صح الكتاب لسه ما اتكتبش
قطعت كلامه وقالت باستهزاء
هو سقف طموحاتك عالي بقا هو خيالك صورلك إنك لما تكتب الكتاب هتتحكم فيا ومش هكون حرة عندك أحلام يقظة والله يا بشمهندس
ما علينا مش قضيتنا دي اتفضلي معايا على الفيلا بلاش نسيب أي حاجة للظروف ممكن تلاقي حمدان قدامك في أي وقت
ما فتكرش زمانه روح بعد كلام مامتك معاه غير إنهار خلاص قرب يطلع وأنا عندي شغل كتير
وألا أقولك استناني برا هغير وأجي معاك عشان كنت مواعدة رنا تيجي معايا
وانتي فاكرة رنا هتصحي بدري وتنزل معاكي ما فتكرش بس حاولي يمكن تكون طريقة تكفري بيها عن ذنوب جدك معانا على العموم في انتظارك متتاخرش عليا
نظرت له روز بغيظ من طريقته المستفزة وأغلقت الباب
بدلت
ملابسها وخرجت معه دخلا سويا الفيلا وكانت هبة أيقظت خالتها
دخلت روز بصحبة عاصي ليجد والدته تجلس في البهو وهي ترفع حاجبها وتنظر لهما پغضب شديد قامت واقفة وقالت بصوت حاد
خير يا عاصي كنت فين وش الصبح كده
الټفت لها عاصي باستغراب وقال
هكون فين في وقت زي ده كنت بجيب روز على هنا علشان لو حمدان رجع مينفعش يلاقيها نايمة هناك هيشك في كل كلامنا وأنا مش عاوز أي تصرف ملهوش لازمة لحد ما يكون معايا قسيمة الجواز عشان تقل الملكية
رفعت الأم حاجبها مرة أخرى وقالت
وهي جناب البرنسيسة إيه اللي خرجها برا في وقت زي ده ولا عشان تجرجرك وراها وتحس إنها ليها قيمة
جزت روز على أسنانها من الغيظ وقالت
أنا طلعت أصلي الفجر وأصحي رنا عشان عندي شغل كتير
قالت هبة بعجرفة
وتصحي رنا ليه رنا مالها هي ومال شغلك مع البهايم
تجاهلت روز كلامها وكأنه شيء نكر ثم التفتت لعاصي وقالت له
أنا هخلص شغل على المغرب يناسبك المعاد ده
هز عاصي رأسه موافقا ولم يتفوه بكلمة
قالت الأم وهي تجلس
وعلي فين العزم إن شاء الله ولا مينفعش نعرف
قال عاصي بنفاذ صبر
رايحين للمحامي عشان كتب الكتاب إحنا قلنا لحمدان إن مكتوب كتبنا وأنا مش عاوز مشاكل معاه عشان يا أمي مليكة المزرعة مربوط بالقسيمة في حاجة كمان ولا أروح أشوف
شغلي
قالت الأم مستعجبة من طريقته وكلامه
خير يا عاصي في طرفتك لهجة مش عجبتني لتكون حنيت للبت الفلاحة دي
ضحك عاصي وقال
أحن لمين يا أمي أنا لما صدقت إن القدر جبها لحد عندي وهنتقم براحتي فيها
نظرت هبة لحالتها ابتسموا ابتسامة انتصار
الفصل التاسع
دخلت روز فوجدت رنا مستيقظة ومبدلة ملابسها فابتسمت وقالت
أنا قلت هتنامي ومش هتقدري تصحي بدري
لاء خالص أنا وعدتك يلا بينا أنا متحمسة جدا
خرجت روز بصحبة رنا للعمل وكانت رنا مستمتعة جدا باليوم وقد حسن من نفسيتها تحت أنظار عاصي الذي كان يراقبهما من بعيد
دخلت رنا مع روز غرفتها التي تقع في آخر حديقة الفيلا ونظرت حولها وقالت بمرح
صحيح يا روز الأوضة دي مش بنفس جمال أوضتك اللي في الفيلا بس تحسي فيها بدفا غريب
ضحكت روز ضحكة باهتة وقالت
المزرعة كلها يا رنا أنا اللي عملتها جدي سابها لبابا وبابا كان مهتم بالبزنس استلمت المزرعة منه وهي خراية وأنا اللي بنيت كل حاجة فيها بنفسي علشان كده اټصدمت لما عرفت إنه باعها المزرعة حتة مني يا رنا بس سيبك مني يلا قومي من النهارده هتيجي كل يوم ساعة علاج طبيعي
ردت رنا بدهشة
يلا إيه
قالت روز ضاحكة
يلا نبدأ الجلسة علشان عندي معاد مع هولاكو على المغرب مش عاوزة أتأخر عليه أحسن يقلب تنين
قالت رنا ضاحكة
أظن هولاكو ده عاصي صح
هزت روز رأسها وقالت بجدية
رنا بعد إذنك اللي بيحصل هنا مش عاوزة حد يعرف عنه حاجة خالص خصوصا صفرا بنت خالتك
ابتسمت رنا واستجابت لها انتهت الجلسة وبعد أن بدلت روز ملابسها ذهبتا إلى الفيلا
دخلت رنا وهي في قمة السعادة فوجدت الجميع يستعد للغداء
قالت هبة وهي تتفحص روز
خير يا رنا طول النهار مختفية كأنك مش عاوزة تقعدي معايا وخصوصا إنك محتاجة الراحة!
ردت رنا بهدوء
كنت مع روز عندها شغل كتير وكنت
بساعدها
ضحكت هبة بسخرية
تساعديها ده انتي مش تعرفي تساعدي نفسك! كرسيك ده
آخره يهش الدبان ده لو عرفتي! بطلي هبل! اطلعي من وهم إنك تقدري تعملي حاجة أنتي خلاص كده!
وقفت روز پغضب وقالت
الإعاقة بتكون في العقول يا آنسة هبة مش في البدن
ثم ابتسمت لرنا وقالت
ولا كأنك سمعتي حاجة دي واحدة عيانة في مخها وفكرها طول ما في نفس في أمل وحياة
ضحكت رنا وقالت
الأول كنت بتضايق بس بعد كلامك معايا والطاقة اللي فيكي كلامها بقى هوا على رأيك دي واحدة عيانة بفكرها
لاحظت هبة إن كلامها ما بقاش يأثر في رنا وده استفزها
تدخل عاصي وقال بحدة
كفاية كلام السفرة جاهزة
ردت هبة بتهكم
اصبر لما الضيفة تمشي ولو إنها المفروض تعرف إن ده وقت غدا ومينفعش زيارة
احمر وجه روز وشعرت بالإحراج فقالت بهدوء
أنا هستناك في الجنينه لما تخلص على مهلك
قالت رنا
روز انتي ما كلتيش حاجة خالص! ده حتى التلاجة عندك فاضية وده مينفعش تعالي كلي معانا
رفعت هبة حاجبها وقالت
علشان كده كنتي بتتسحبي بليل يا حرام كنت طلعتلك حتة جبنة! عموما استني برا ولما نخلص الدادة هتلفلك الباقي
انجرحت مشاعر روز ولم تستطع السيطرة على دموعها
تدخلت مدبرة المنزل وقالت بعفوية
بواقي إيه اللي هديها للدكتورة دي الدكتورة روز مغرقانا خير!
صړخت الأم پغضب
انتي مالك متتكلميش من غير إذن
ثم قالت لروز
معلش معملناش حساب ضيف هيأكل المرة الجاية ابقي سيبي خبر للدادة
خرجت روز مسرعة والدموع في عينيها
ضحكت هبة وقالت
ھموت من الجوع يا خالتو الله على الأكل!
نظرت رنا ليها باستحقار وقالت للدادة
من فضلك دخليني الأوضة
قالت الأم
مش هتاكلي
ردت رنا
لأ ألف هنا وشفا على هبة
قام عاصي أيضا وقال
أنا خارج عندي معاد مع المحامي
ثم وجه كلامه لرنا
رورو تحبي تيجي تحضري كتب الكتاب
قالت رنا بفرحة
بجد
قال
طبعا يلا جهزي نفسك
سألته هبة
ليه مقولتليش أجي
رد عاصي
معلش معملناش حساب الضيوف
خرج عاصي وهو يدفع كرسي رنا وركبت روز بجوارهم
في الطريق قالت روز
أنا هستناكم في العربية
ردت رنا متصنعة الزعل
يعني تسيبيني ده أول خروجة ليا!
حاول عاصي حمل رنا لنقلها على الكرسي لكن روز أوقفته بلطف وقربت الكرسي من الباب
قالت لرنا
يلا انتي قدها
وبالفعل حاولت رنا ونزلت وحدها بمساعدة بسيطة وقف عاصي في صدمة ودموعه نزلت وهو يحتضن أخته
قال وهو ينظر لروز
انتي عملتي إيه انتي غيرتي حياة رنا!
قالت رنا
ولسه! بس بليز محدش يعرف خصوصا الصفرا بنت خالتك
قال عاصي
فاهمك يا قلب أخوكي
دخلوا المطعم طلبت رنا بيتزا وطلب عاصي الأكل لروز رغم رفضها
أكلت روز بنهم فابتسم عاصي لأنه عرف إنها كانت جعانة
بعد الغداء ذهبوا للمحامي وهناك تم عقد القران وأصبحت روز زوجة عاصي
الفصل العاشر
طول الطريق عودتهم وروز ملتزمة الصمت هي وعاصي
ظل عاصي يسترجع كلام المحامي أنه لازم يعيش مع روز سنة كاملة ولا يحق له أن يمنعها من ممارسة عملها كطبيبة داخل المزرعة إلا إذا هي أرادت ذلك
قال عاصي پغضب
أنا مش فاهم الحاج رضوان بيعمل كده ليه وعلشان إيه! أنا ممكن أحميكي من غير جواز ليه يجبرني أعيش مع حد أنا مش بحبه ومش بعرفه ليه أكون مجبور على الجواز منك
قالت روز والخجل بتملكها وإحساسها أنها مفروضة عليه بيجرح كرامتها
متقلقش يا بشمهندس الوضع هيفضل زي ما هو أنا هنام في الأوضة اللي في الجنينة زي ما إحنا كل الكلام مجرد حبر على ورق سنة وهتعدي وكل واحد حر في تصرفاته
قال عاصي وقد تملك منه الڠضب
أنا أصلا مش مستني رأيك علشان أعمل كده هو ده اللي هيحصل أنا أصلا ليا حياتي وهعيشها زي ما أحب أنا مرتبط بواحدة وكنا متفقين نتجوز أظن ده حقي أبوكي قال أتجوزك بس مقالش متجوزش عليكي وأنا هتجوز اللي أحس إنها مش مفروضة عليا زي الدوا
شعرت بچرح مشاعرها وقد فقدت قواها من كثرة المهانة
لمح عاصي دموع عالقة في عيونها شعر أنه أذاها بالكلام
قالت
بعد
إذنك يا عاصي أنا عاوزة أنام مع روز النهاردة
قال عاصي
تمام يا رنا زي ما تحبي
ثم وجه كلامه لروز وقال
المحامي قالك على الراتب الشهري بتاعك بخصوص شغلك في المزرعة
هزت رأسها وقالت
آه شكرا
والمبلغ عجبك ولا المرتب مش مناسب ليكي
تمام مناسب والتزمت الصمت
دخلت رنا بصحبة روز إلى منزل روز الصغير
قامت روز بمساعدتها في تبديل ملابسها والنوم
استيقظت روز في
الصباح واستقلت سيارتها لمحها عاصي وهي خارجة حاول جاهدا ألا يعطي الموضوع اهتمام ولكن فضوله غلب عليه كان يود أن يعرف إلى أين ستذهب باكرا
تتبعها دون أن تشعر به
ذهبت روز لتبيع سيارتها فهي لم تملك مالا باعت سيارتها وهي تنظر لها والدموع تنهمر من عينيها فكانت غالية عليها
ثم ذهبت واشترت بعض مستلزمات للبيت من طعام
عادت إلى المزرعة
تعجب عاصي من أمرها وعلم أنها فعلا بحاجة للمال وأن والدها ظلمها عندما وضع كل مالها في وديعة وربطها بشرط الزواج
دخلت روز بيتها وجدت رنا قد استيقظت أعدت الفطار ثم جلست مع رنا تساعدها على الحركة بمفردها وكانت حالة رنا تستجيب بسرعة
ثم ذهبتا سويا للعمل
انهكمت روز في العمل حتى لا تفكر فيما يحدث لها
دخل عليها محمد المهندس الزراعي المسؤول عن المحاصيل وجلس يهزر ويضحك معاها كعادته وعينه لم تنزل من على رنا فقد أعجب بها من أول نظرة
دخل عاصي ولاحظ قرب محمد من روز دقت طبول الغيرة فقد دبت الغيرة في قلب عاصي لقد أعلن قلبه الاحتجاج عليه وتغلب على قسوته فقد كان قلب عاصي كالحجر ولكن العشق أذاب الحجر
اقترب منهم عاصي وقال وهو ينظر لها نظرات ڠضب
خير يا دكتورة إيه الحاجة اللي مخلية الكل يضحك كده وصوت ضحككم مسمع لآخر المزرعة ضحكوني معاكم بس الأول نتعرف على الأستاذ اللي واخد راحته كأنه في بيته
قام محمد واقفا من الخجل
رفعت روز حاجبيها وقالت
أعرفك البشمهندس محمد المهندس الزراعي اللي ماسك محاصيل الأرض والزراعة هنا وتقريبا أنا وهو متربين سوا ويمكن صديقي الوحيد
بكلامها وصل عاصي لأعلى درجات الڠضب وجز على أسنانه وقال
إيه مش هتعرفيني على البشمهندس
قال محمد مسرعا ليخفف من حدة الموقف فقد رأى الغيرة في عيون عاصي
حضرتك طبعا غني عن التعريف حضرتك المهندس عاصي اللي اشترى المزرعة من الحاج رضوان الله يرحمه
قالت رنا بمرح
وأنا رنا أخت عاصي
قال عاصي متحديا
وروز بتكون مراتي وفرحنا بكرة عاملين حفلة صغيرة في الفيلا ياريت حضرتك تشرفنا
ثم الټفت إلى رنا وروز وقال
مش كفاية شغل لحد كده ويلا علشان الكل مستنينا على الغدا
قالت رنا
آه والله أنا ھموت من الجوع جدااااااا يلا بينا بجد الشغل هنا مرهق بس ممتع ليكي حق يا روز روحك تبقى متعلقة بالمكان يستاهل التعب اللي تعبتيه
ابتسمت لها روز ثم قالت
تمام أنا كمان تعبت من الشغل يلا أنا مروحة سلام
جرى وراها عاصي ومسكها من ذراعها لدرجة إنه ألمها وقال بحدة
على فين رايحة حضرتك
على بيتي إيه الغريب في ده مش كان اتفاقنا على كده
آه كان اتفاقنا بس لما كانت حضرتك بتحترمي إن اسمك على اسم راجل مش فاتحها على بحري
نعم حضرتك بتقول إيه معلش كده وضح
يعني يا دكتورة يا محترمة مينفعش تقعدي تهزري وتضحكي مع كل واحد هنا
أنا هزارتي مع مين مش فاهمة
ثم كشرت وقالت
آه انت تقصد محمد ودي فيها إيه أنا أعرف محمد من وأنا في ابتدائية
فيها إنك على ذمة راجل المفروض تحترمي اسمه
ها وبعدين أعمل إيه يعني
يعني ما توقفيش تكلمي مع أي حد
تمام موافقة بس يكون الفعل متبادل زي ما عاوزني أحترمك انت كمان تحترمني وتحترم إني مراتك
مش فاهم عاوزة إيه
قطع كلامهم صوت رنا وهي بتقول
أخصاوا بقى أنا جعت قوي وتعبت عاوزة أنام
رفع عاصي حاجبيه وقال بأسلوب أمر
يلا معايا على الفيلا وبلاش صوتنا يطلع أكتر من كده
تمام هاجي معاك بس يكون في علمك البت الصفرا اللي هناك دي لو اتكلمت أنا مش هسكت ليها هي بقى اللي لعبت في عداد عمرها طلبتها ونالتها وأنا أصلا عفاريت الدنيا بتنطط في وشي
دخلوا جميعا الفيلا ودخلت روز ورائهم ورأسها مرفوعة لأعلى
قالت مروة مندفعة
كل ده علشان تيجوا أنا ھموت من الجوع!
وقطعت كلامها لما لمحت روز معهم نظرت لها پحقد وقالت
مش كنت تقول يا عاصي إن معاك ضيوف علشان أعمل حسابهم على السفرة
ابتسمت روز لها وجلست على السفرة وقالت
عندك حق بعد كده لما تحبي تيجي عندنا ادينا خبر أصل إحنا فعلا مش بنستقبل الضيوف في أي وقت يلا يا جماعة الأكل هيبرد
آه سوري يا هبة اتفضلي اقعدي إحنا بيت كرم وبنفهم في الأصول مينفعش نرد ضيف ساعة أكل
من فضلك يا عاصي خلي حد من المطبخ يحط طبق زيادة للضيفة
ثم التفتت إلى رنا التي كانت تكتم ضحكاتها وقالت
ها يا رورو قررتي هتلبسي بكرة إيه ولا لسه أنا عن نفسي هلبس الفستان اللي اختار ليا عاصي كان يجنن
قالت الأم
مش فاهمة فساتين إيه اللي بيتكلموا عنها وعاصي إيه ډخله في ده
قالت روز بدلع
يا طنط لحقتي تنسي هو مش بكرة فرحنا أنا وعاصي هو في فرح من غير عروسة ما تلبس فستان الفرح بذمتك يا هبة يصح كده
جلست هبة تاكل في نفسها من الغيظ ولم تستطع الرد عليها
انهمك الجميع في الأكل ولاحظ عاصي أن روز لم تأكل أي شيء ولكنها تتصنع الأكل
الفصل الحادي عشر
دخلت روز مع رنا غرفتها
قالت لها رنا
علي فكرة يا روز انتي ما اكلتيش حاجة انا اخدت بالي ومش انا بس عاصي كمان علي فكرة الحجر بدأ يدوب
يعني إيه يا رنا مش فاهمة
يعني قلب عاصي رق وحب يا روز والبركة فيكي
طيب سيبك مني يا رنا انتي محبتيش قبل كده
أدمعت عيون رنا وقالت
مافيش بنت محبتش بس انا كنت المفروض افهم إن واحدة في وضعي ده ماينفعش تحب ولا تفكر اصلا في الحب محدش هيوافق يرتبط بواحدة معاقة متقدرش تناول نفسها كوباية مية
اللي يشوف كده هو اللي معاق في عقله وقلبه يا رنا المهم يعني حبتي قبل كده احكي بسرعة
طبعا يا روز حبيت وحبيت قوي كمان كان أول حب في حياتي أول مرة قلبي يدق وعلى دق الحب كانت الكسرة
جلست روز على السرير وقالت
متحمسة ها احكي إيه حصل اخلصي أحسن هنام منك المفروض بيقولوا إن بكره فرحي
ثم تذكرت شيئا وقالت
ينهار ألوان اتصدقي إني نسيت أجيب فستان يلا بقى مش مشكلة هقضي بأي حاجة عندي إحنا أصلا بنمثل المهم احكي إيه اللي حصل في حكايتك
ضحكت رنا بسخرية وقالت
ولا حاجة اتعرفت عليه على النت وكان ظابط ووسيم وكلامه وطريقته يشدوكي كان كاريزما زي ما بيقولوا كده بس لما عرف وضعي سابني
تعرفي اللي زعلني إنه حتى ما فكرش أنا ممكن أكون حاسة بإيه تقريبا فكر إني كمان معاقة في إحساسي مش بحس
قالت روز بحزن
الغلط عندك انتي يا رنا انتي انبهرتي بقشرة من برا انبهرتي بشكل وشغل ومستوى اجتماعي وسبتي الجوهر نفسه قللتي من نفسك لحد ما هو كمان شاف نفسه كتير عليكي اوعي اللمعة اللي برا تشدك خلي اللي يبهرك يبهرك بأسلوبه بطيبته بحنيته بقلبه يحبك زي ما انتي من غير تجميل
وبصراحة يا رنا أنا شوفت ده في عيون محمد النهاردة وهو بيبص ليكي شوفت الحب من أول نظرة
ابتسمت رنا في خجل لأنها هي الأخرى لاحظت ذلك
خلاص يا روز اهو راح لحال سبيله
بس محمد ما شفنيش غير مرة واحدة لحق يحبني إمتى
الحب ملهوش وقت يا حبيبتي الحب بيخطفك في دقيقة مش بيعترف بشكل ولا بمكان
المهم تكوني اتعلمتي مش كل اللي بيلمع دهب وفي ناس كتير قشرة منظر من برا بس
خلاص يا روز انسي أنا نسيت المهم انتي هتعملي إيه في موضوع الفستان في عروسة من غير فستان
عادي يا رنا مش لما أكون عروسة بجد
مر
اليوم بدون مشاحنات وحاولت روز مع رنا في العلاج مع استجابات رنا وعزمها على ذلك
في الصباح حضرت الكوافير وبدأت تجهز روز ولكن روز أدمعت عينيها عندما تذكرت إنها بدون فستان وقالت في نفسها
ياربي الفلوس بيع العربية هصرفها على إيجار فستان مش مشكلة هلبس أي حاجة من عندي ساعة وتعدي
ولكن طرق الباب ودخلت إحدى الخدم وقالت
الصندوق ده علشانك يا دكتور أستاذ عاصي بعته لحضرتك
ابتسمت روز وسمعت صوت رنا يقول
فضولي مش قادر يصبر إيه اللي في الصندوق ده
قالت روز وهي تحمل الصندوق
علمي علمك يا رنا دلوقتي نشوف
قالت رنا بهدوء
روز ممكن تغمضي عينك عندي ليكي مفاجأة
قالت روز مستعجبة
خير يا رورو في إيه
غمضي بس الأول
أغمضت
قالت رنا
افتحي يلا
فتحت روز عينيها وشهقت من المفاجأة فكانت غير متوقعة رنا تقف على قدميها بدون مساعدة من أحد
جرت روز على رنا وأدمعت عينيها
قالت الكوافير
على فكرة لو المكياج باظ مش هعمله تاني بطلوا عياط
ابتسمت روز وقالت
دي أجمل حاجة حصلت النهاردة المهم مش عاوزة حد يعرف خليها بليل مفاجأة للكل
فتحت الباب على غفلة جلست رنا مسرعة وكانت هبة
دخلت هبة تنظر لهم بسخرية وقالت
إيه يا عروسة ملبستيش ليه مش لاقيه حاجة تلبسيها يا حرام ممكن أسلفك عادي
